Четири руски воени бродови се забележани како пловат во близина на јапонските острови Хоншу и Хокаидо додека патуваат на запад, веројатно кон Европа, јавува Ројтерс. Најверојатно се работи за бродови кои превезуваат војници во Украина.
„Министерството за одбрана на Јапонија ќе продолжи да ја следи ситуацијата и движењето на руската армија со голема претпазливост“, соопшти Министерството на својот официјален профил на Твитер.
Теснецот Цугару, низ кој минувале бродовите, го поврзува Јапонското Море со Тихиот Океан и се наоѓа помеѓу двата најголеми јапонски острови Хоншуа и Хокаидо.
Невообичаено е руските бродови да минуваат низ теснецот толку блиску до јапонската територија, изјави воениот портпарол, пренесува Ројтерс.
Запрашан дали може да замине за Украина, портпаролот на јапонскиот министер за одбрана изјави за Ројтерс дека тоа е можно.
