Претседателката на српскиот парламент, Ана Брнабиќ, денеска изјави дека во овој момент е од национален интерес да се намалат тензиите во општеството и дијалогот меѓу власта и опозицијата и дека ќе се обиде да продолжи дијалогот во парламентот во однос на изборните услови и исполнувањето на препораките на ОДИХР.
„Без разлика што имаме апсолутно мнозинство во Собранието, ние сме за дијалог, да слушаме и да послушаме. Ќе се обидам да го продолжиме тој дијалог и ние како апсолутно мнозинство да покажеме дека националниот интерес на Србија и нејзините граѓани е на прво место, дека се трудиме да изградиме консензус“, изјави Брнабиќ на ТВ Пинк.
Таа и се заблагодари на опозицијата за конструктивноста и продуктивноста на средбите во парламентот, бидејќи е можно да се воспостави дијалог, за кој, како што додаде, ќе продолжи да се залага.
Брнабиќ предупреди дека Србија е „среде бура каде што дуваат разни ветрови од сите страни“ и посочи дека затоа е неопходно да се воспостави внатрешна стабилност и дијалог и „да се заштеди енергија за да се спротивстави на притисоците“.
