Србија повторно е единствената земја-кандидат за членство во ЕУ на Западен Балкан која не ја почитува новата надворешнополитичка одлука на Советот на ЕУ во однос на рестриктивните мерки поради нелегалната анексија на Крим и Севастопол.
Како што соопшти денеска високиот претставник на ЕУ за надворешна политика и безбедност Жозеп Борел, на 19 јуни Советот на ЕУ ја усвои одлуката (ЗНБП) 2023/1188 со која се дополнува претходната одлука од 2014 година и ги продолжува рестриктивните мерки поради анексијата на Крим и Севастопол до 23 јуни 2024 година.
Со новата одлука на Советот на ЕУ, сите други земји-кандидати за членство во ЕУ од Западен Балкан – Северна Македонија, Црна Гора, Албанија и Босна и Херцеговина – се усогласија, што ќе обезбеди нивните национални политики да бидат во согласност со тоа, а ЕУ ја забележува оваа обврска и тој ја поздравува, се вели.
