Белорусинката Арина Сабаленка, третата тенисерка во светот, денеска изјави дека нема да учествува на Олимписките игри во Париз за да го зачува своето здравје и да се подготви што подобро за сезоната на тврди подлоги.
– Со сите проблеми што ги имав во последните месеци, морам да се грижам за моето здравје. Претпочитам да се одморам малку за да бидам физички подготвена за тврда подлога – изјави белоруската тенисерка.
Олимпискиот турнир во Париз ќе се одржи на терените на Ролан Гарос од 27 јули до 4 август, принудувајќи ги играчите да се префрлатод Вимблдон на трева во Париз на земја и тоа непосредно пред сезоната на тврдите терени која почнува на УС Опен кон крајот на август и почетокот на септември.
Сабаленка (26) беше поразена во четвртфиналето на Ролан Гарос поради здравствени проблеми со стомакот.
