Американскиот претседател Џо Бајден во моментов не планира посета на Украина, и покрај апелот на украинскиот претседател Володимир Зеленски, но планира да одржи состанок со сојузниците за да разговара за украинската криза, соопшти во понеделникот Белата куќа.Нема такви планови, изјави портпаролката на Белата куќа Џен Псаки.
Американската влада се концентрира на испраќање воена опрема во Украина.
Доколку член на американската влада отпатува во Украина, тоа ќе биде објавено дури по неговото пристигнување од безбедносни причини.
Зеленски го покани Бајден да ја посети Украина за да добие идеја од прва рака за ситуацијата таму речиси два месеци по почетокот на конфликтот.
„Мислам дека тој е лидер на САД и затоа треба да дојде овде да види“, рече Зеленски во неделното интервју за Си-Ен-Ен.
Вашингтон, наводно, размислувал да го испрати министерот за одбрана Лојд Остин или државниот секретар Антони Блинкен во посета на Украина, што во тој случај ќе ја направи мала веројатноста самиот Бајден да отпатува во земјата во блиска иднина.
Сепак, американскиот претседател планира во вторник да разговара за украинската криза со сојузниците.
„Претседателот ќе свика обезбеден видео повик со сојузниците и партнерите за да разговара за континуираната поддршка за Украина и напорите Русија да биде одговорна како дел од нашата тесна координација“, се вели во соопштението на Белата куќа.
