Американскиот претседател Џо Бајден ја критикуваше воената стратегија на Израел во Газа, велејќи дека пристапот на израелскиот премиер Бенјамин Нетанјаху е „погрешен“.
„Мислам дека тоа што го прави е погрешно. Не се согласувам со неговиот пристап“, изјави американскиот претседател во интервју за телевизијата на шпански јазик, Univision.
Бајден апелираше дека „Израелците повикуваат на прекин на огнот, за да се овозможи целосен пристап до храна и лекови во следните шест или осум недели“.
Шест месеци по почетокот на војната предизвикана од нападот на движењето Хамас врз Израел, израелските воени операции во Појасот Газа продолжуваат.
