Аргентина е нов светски шампион откако по изведување пенали ја совлада Франција во епското финале на Светското првенство во Катар. Многу навивачи од Аргентина ги доживеаја најрадосните моменти во животот, на кои веројатно секогаш ќе се сеќаваат.
Но, за аргентинскиот тв- коментатор Андрес Кантор преголемата радост и возбуда можеше да биде опасна по животот.
По успешното изведување на последниот пенал од Гонзало Монтиел, после кој стана јасно дека Аргентина е победник на финалето и светски шампион, коментаторот Кантор не се обиде да ги исконтролира емоциите. Плачаше, пелтечеше, ридаше, а за момент остана без воздух, па можеше да се помисли дека ќе добие срцев удар.
