Apple објави во вторникот дека го прекинува производството на iPod по две децении, уред кој го промени начинот на слушање музика и помогна да се стави крај на владеењето на ЦД-а.
Последниот преостанат модел, iPod touch, ќе биде достапен само додека не се потрошат залихите.
Лансиран во 2001 година, преносливиот музички уред со интуитивно копче во форма на тркало и легендарните бели слушалки го отвори патот за Apple да зачекори на пазарот на паметни телефони iPhone.
Исто така, му дозволи на Apple да го прошири својот бизнис надвор од компјутерите и да ја турне музичката индустрија во дигиталната арена.
Во 2014 година, Apple веќе го укина iPod classic, кој се базираше на оригиналот, и помалите модели како iPod Nano 2017.
Единствениот iPod што остана беше iPod touch – еден вид намален iPhone без мобилна технологија.
„Духот на iPod сè уште живее во другите уреди на Apple“, рече Грег Џосвијак, постар потпретседател за маркетинг на Apple, истакнувајќи дека музиката и подкастите (наречени по уредот) сè уште се клучни за компанијата.
Веста за крајот на iPod-от предизвика низа тажни, носталгични објави на Твитер.
„По ѓаволите. Малку е тажно да се види дека Apple официјално го прекина iPod од денес“, се вели во твитот од UK Gaming сметка на YouTube.
„Тоа може да се случи. RIP “, е друг коментар.
