Управата за јавни приходи ги демантира наводите од страна на ВМРО ДПМНЕ, во кои, како што стои во реакцијата, по кој знае кој пат, се изнесени невистини за работењето на Управата за јавни приходи и на тој начин се прави обид да се нанесе штета врз работењето на УЈП .
Според УЈП, случајот за кој денеска зборуваше Стоилковски, не е дел од презентираната афера од понеделникот.
– Во однос на посочените даночни обврзници, кои ги презентираше ВМРО ДПМНЕ, информираме дека УЈП нема извршен поврат како што беше наведено од страна на ВМРО ДПМНЕ. Кај посочените даночни обврзници, кои ги презентираше ВМРО ДПМНЕ, информираме дека по извршените контроли од страна на УЈП се преземени сите постапки.
Оттаму појаснуваат дека обврзниците доставиле даночни пријави со даночно побарување – аконтации оставени за идни периоди, а не барања за поврат како што е изнесено во јавноста.
-Износот од 22.000.000 евра кој го споменуваат од ВМРО ДПМНЕ е износ кој е објавен во листа на должници кој всушност преставува даночен долг а не поврат и е врз основа на извршена контрола, за барање на поврат на ДДВ – велат од УЈП
УЈП информира и дека побарала податоци за патните исправи кои се наведени во историјатот на промени во Централен регистар на РСМ и исто така известена е Управата за финансиска полиција за нивно запознавање и понатамошно постапување.
– Апелираме јавноста да не потпаѓа на овие манипулации и да ги следи само официјалните информации кои доаѓаат од страна на надлежните институции. Во Управата за јавни приходи работат професионалци кои одлично си ја знаат работата и за сите обиди за било какви малверзации согласно со надлежностите си преземаат соодветни постапки.
