Претседателот Џо Бајден (80) повторно се сопна додека се качуваше по скалите што водат кон Ер Форс 1, потенцијално изложувајќи го неговото тело на ризик од потежок пад. Бајден очигледно има многу потешкотии кога се качува по скалите кои водат кон авионот, а видеото повторно предизвика реакции на социјалните мрежи.
И покрај големото растојание помеѓу скалите, ниту Тајната служба ниту првата дама не го следеа претседателот, а тој се сопна додека се подготвуваше да ја напушти воздухопловната база Максвел во Монтгомери, Алабама. Погледнете како Џо Бајден се сопна на скалите:
Социјалните мрежи „вријат“ од коментари: „Мислев дека виде долар на скалите“, „Од сега некој треба да го држи за рака додека се качува по скали“, „Не гледај долу. Не гледај долу. Не гледај надолу. Не гледај долу“, „Ми се здодеа да го гледам овој старец и неговите проблеми со паѓањето. Каква катастрофа за оваа земја. Целосна срамота. И не, не ми е жал за него вооптшо, жал ми е за нас“.
Иако физичкиот преглед го прогласи Бајден за „способен за должност“, беше речено дека претседателот боледува од вкочането одење и невропатија во стапалата, а многу медиуми во Америка се прашуваат зошто ја нема Тајната служба барем да застане во близина на претседателот додека тој се качува по скалите.
Да потсетиме дека претседателот Бајден претходно се сопна и падна додека се качуваше на скалите на претседателскиот авион, минатиот месец за време на посетата на Полска. Бајден беше фатен на камера како паѓа на скалите додека се качуваше во авионот додека се враќаше во Соединетите држави од Варшава по тридневната посета на Европа, која вклучуваше застанувања во Украина и Полска.
Истото го направи и во 2021 година кога се сопна неколку пати додека се качуваше на неговиот авион. Бајден се сопна на половина пат по скалите додека се качуваше во авионот, се поткрена, потоа повторно се сопна и накратко падна на едното колено. Изгледа дека претседателот го трие левото колено пред да се исправи, а потоа полека се искачува по скалите. Застана на врвот од скалите, се сврте и поздрави.
Тој падна три пати, а подоцна го обвини ветрот за овој немил настан. Погледнете како изгледаше во март минатата година:
Многумина тврдат дека една од неговите најголеми слабости во циклусот на претседателската кампања во 2024 година, доколку се кандидира, ќе биде неговата возраст, при што републиканскиот кандидат Ники Хејли веќе повика политичарите над 75 години да се подложат на „фитнес тестови“.
