Американскиот сенатор Линдзи Греам повика „некој во Русија“ да го убие претседателот Владимир Путин, што тој, како што рече, ќе и направи „голема услуга“ на Русија и на остатокот од светот.
Некој во Русија треба да го направи тоа „и да се ослободи од тој човек“, рече сенаторот од Јужна Каролина во една телевизиска емисија.
Тој потоа објави серија твитови каде нагласи дека „единствените кои можат да го направат тоа се Русите“. „Дали има Брут во Русија?“, праша Греам, алудирајќи на зборовите на Јулиј Цезар.
Тој, исто така, праша дали има „полковник Штауфенберг, но поефикасен“ во руската армија, овојпат зборувајќи за германскиот полковник Клаус фон Штауфенберг, организаторот на неуспешниот атентат на Адолф Хитлер во 1944 година. „Би направиле голема услуга на вашиот земјата и остатокот од светот“.
Греам, некогаш близок сојузник на претседателот Доналд Трамп, претстави резолуција во Сенатот со која се осудува рускиот претседател и неговите воени команданти, обвинувајќи ги за „воени злосторства“ и „злосторства против човештвото“.
