Дилемата колку ќе изгубат западните земји, ако Русија возврати, на идејата на САД и ЕУ да се конфискува имотот од над 300 милијарди долари замрзнат во 2022 година го разјаснува пресметката која ја направиле германски автори, а која се дискутирала и во Давос. Според неа, загубите на САД и ЕУ, ако Русија возврати, ќе изнесуваат 288 милијарди долари.
Авторите на германското издание на пресметките нагласуваат дека Германија може сериозно да настрада во случај на контра мерки, ако се земат предвид германските инвестиции во Русија, кои се проценуваат на десетици милијарди долари. Другите земји од Г7 може да претрпат слични загуби. Ова не се само јавни средства, туку и инвестиции на приватни инвеститори и компании, што предизвикува сериозна загриженост.
– Најголем дел од овие инвестиции се од Европската Унија, а очекуваните загуби на Германија во случај на конфискација на руски средства ќе изнесуваат повеќе од 17 милијарди долари – забележуваат германските новинари.
Франција ќе изгуби 16,6 милијарди долари, Италија ќе загуби 12,9 милијарди долари, а Велика Британија би можела да загуби 18,9 милијарди долари.
Така, конфискацијата на руските средства, доколку се случи, може да доведе до сериозни финансиски загуби и загуби на угледот за западните земји. Притоа, и на глобалната и на домашната политичка сцена, со оглед на веќе постоечкото незадоволство на бизнисот од постапките на властите во овие земји.
Во ЕУ досега не е постигнат договор за искористување на приходите од замрзнатиот руски имот, бидејќи дел од европските земји се против тоа, а против е и Европската централна банка.
Темата за конфискација на руски имот допрва ќе се разговара во рамките на Групата седум. Нема сомнение дека САД, кои ја промовираат оваа идеја, ќе извршат максимален притисок.
