Претседателот на Република Српска Милорад Додика изјави дека ќе формира здружение за независност на Република Српска, доколку Судот на Босна и Херцеговина го осуди дека не ги спроведувал одлуките на високиот претставник и му забрани политичко дејствување.
– Тие мислат дека на Милорад Додик ќе му биде забрането да работи политички? Тоа го очекуваат половина од нив овде во Федерацијата на Босна и Херцеговина – изјави Додик за новинарите по денешното рочиште во Судот на Босна и Херцеговина.
Тој додаде дека ако му биде забранета политичко дејствување, „само ќе биде ослободен од јавна одговорност како претседател на републиката“.
– И тогаш, кога ќе ме забранат, ќе формирам здружение за независност на Република Српска – нагласи тој.
Во Судот на Босна и Херцеговина денеска се одржа рочиште за претседателот на Република Српска Милорад Додик и в.д. до директорот на Службен весник на РС, Милош Лукиќ, за неспроведување на одлуките на високиот меѓународен претставник во земјата Кристијан Шмит.
По рочиштето, Додик изјави дека „судењето не е ни започнато“, бидејќи неговата одбрана поднела барање до Судот на Босна и Херцеговина судењето да се префрли во Основниот суд во Бања Лука.
– Судот на Босна и Херцеговина донесе одлука да не го прифати тоа барање, но рече дека имаме три дена за жалба – рече тој.
Додик оцени дека процесот против него е „политички процес“.
