Интер синоќа на Сан Сиро го победи Порто со 1:0 во осминафиналето од Лигата на шампионите.
Решавачкиот гол го постигна замениот Ромелу Лукаку во 86. минута. Порто падна во играч од 78. минута кога Отавио доби втор жолт картон.
Менаџерот на Интер, Бепе Марота, пред натпреварот размислуваше за одлуката Лукаку да го започне натпреварот од клупата за резерви.
„Зошто Лукаку е на клупата? Затоа што има 103 килограми и не е подготвен. Играчот во стартниот состав мора да биде 100% подготвен, не е и чекаме да се врати во форма“, изјави Марота и додаде дека ова не е единствената причина за одлуката на Симоне Инзаги:
„Покрај тоа, имаше ужасна сезона во која играше и на Светското првенство. Од неговото враќање, тој не му го даде на Интер тоа што може да му го даде, но убедени сме дека ќе се стави во ред и ќе биде важен за нас на крајот од сезоната“.
