Претставничкиот дом на САД, заглавен во хаотична битка за лидерство, во средата ја отфрли кандидатурата на републиканецот Кевин Мекарти за претседател на Претставничкиот дом и покрај повикот на поранешниот претседател Доналд Трамп за единство.
Тенкото мнозинство на републиканците со 222-212 дава поголемо влијание на мала група тврдокорни кои сакаат промени во правилата што ќе им дадат посилна контрола врз претседателот на Претставничкиот дом и поголемо влијание врз пристапот на партијата кон трошењето и задолжувањето.
Дебатите продолжија на пладне на вториот ден од гласањето во средата, но претседателот не беше избран ниту во шестиот круг.
Големиот фаворит за замена на Ненси Пелоси на таа функција, републиканецот Кевин Мекарти зависи од добрата волја на дваесетина тврдокорни.
Тие го користат многу тенкото републиканско мнозинство освоено на среднорочните избори во ноември за да ги одредат своите услови. Без нивна поддршка, Мекарти не може да биде избран.
Демократскиот претседател Џо Бајден ја нарече оваа ситуација „срамна“ и рече дека „остатокот од светот“ внимателно го следи.
Во средата наутро Доналд Трамп ги повика републиканците да се соберат, но ниту тоа не им помогна да постигнат договор.
Потребно е мнозинство од 218 гласови за да се избере претседател на Претставничкиот дом, третата најважна фигура во американската политика по претседателот и потпретседателот. Во првите пет кола Кевин Мекарти не успеа да добие повеќе од 203.Оваа состојба целосно ја парализира институцијата: без претседател, избраните претставници не можат да положат заклетва, па затоа не можат да донесат ниту еден закон. Републиканците исто така не можат да покренат бројни истраги што ги ветија против Џо Бајден.
Гласањето ќе продолжи се додека не се избере лидерот на Претставничкиот дом. Требаше да трае неколку часа, но можеше да се продолжи на неколку недели: во 1856 година, избраните членови на Конгресот постигнаа договор дури по два месеци и 133 круга.
