Марко Марковиќ, попознат под псевдонимот ГП, е еден од најуспешниот македонски јутјубери. Во прилог на тоа секако одат неговите видеа кои имаат безброј прегледи, лајкови и коментари.
Меѓутоа, доцна синоќа, ГП во емотивно видео сподели со своите следбеници и обожаватели дека ја напушта јутјуб-сцената.
Јутјуберот во 60-минутното видео ја образложи причината за неговото „заминување“.
„Свесен бев дека ќе го снимам ова видео, ама не очекував дека волку рано во мојот живот да го снимам видеово, но за жал, дојде и тој ден – ја започна својата исповед младиот Марко.
„Образованието секогаш ми било, ќе ми биде на прво место и ќе биде многу јасно зошто ми било важно, по денешново видео“, вели ова 22-годишно момче.
Тој ја откри и причината за напуштањето на Јутјуб.
Марко е студент на Факултетот за информатички науки и компјутерско инженерство и е четврта година на студии. Тој сака да го заврши факултетот и сака да почне да си работи на својата професија.
– Сакаш Јутјуб или сакаш програмирање? – се прашува Марко во видеото.
Марко едноставно повеќе нема време за Јутјуб.
ФОТО: Јутјуб
