Германскиот претседател Франк-Валтер Штајнмајер денеска ја посети Македонија. Беше дочекан со највисоки државни почести, а заедничката прес-конференција со претседателот Стево Пендаровски се одржа во претседателската резиденција вила „Водно“ во Скопје.
Штајнмаер положи цвеќе на гробот на македонскиот револуционер Гоце Делчев во црквата „Св. Спас“. Тоа е гест што не се гледа често во Скопје.
Зборувајќи за пристапниот процес на Македонија кон ЕУ, Штајнмаер, меѓу другото, денеска изјави:
– Кога зборуваме за пристап кон ЕУ всушност зборуваме за прашања од сегашноста и заедничката иднина во Европа, така што би сакал само да советувам акцентот да биде поставен во тој правец, не кон минатото и да се бараат нови пречки.
