Министерството за труд и социјална политика да ја разреши директорката на детската градинка „Детска Радост” во Гевгелија од функцијата директор, поради нестручно и несовесно работење, се вели во општинското соопштение откако Советот на Општина Гевгелија одржал седница и донел заклучоци со препораки до МТСП.
„Директорката на детската градинка се обиде да го прикрие инцидентот кој се случи минатата недела врз 10-месечно дете. Директорката требаше веднаш да ги суспендира одговорните за инцидентот на 22.11.2022 година“, се вели во соопштението.
Од таа причина, наведено е во соопштението, Советот на Општина Гевгелија заедно со градоначалникот, по исцрпната дискусија, решиле да испратат препораки до МТСП, со цел ставање крај на хаосот во оваа институција.
„Министерот за труд и социјална политика да ја врати надлежноста на Советот на Општина Гевгелија и Градоначалникот на Општина Гевгелија во делот за донесување на годишна завршна сметка на ЈОУДГ ‘Детска Радост’ – Гевгелија, одземени со решение бр.16-3102/1 од 07.04.2022 година. Министерот за труд и социјална политика да ја врати надлежноста на Градоначалникот на Општина Гевгелија во делот за избор на кандидат предложен од Управниот одбор за директор на ЈОУДГ ‘Детска Радост’ – Гевгелија, одземени со решение ИП1 16-4733/3 од 27.06.2022 година. Министерот за труд и социјална политика да ја врати надлежноста на Советот на Општина Гевгелија во делот за именување и разрешување на претставници од родители на деца згрижени во ЈОУДГ ‘Детска Радост’ – Гевгелија во Управниот Одбор на ЈОУДГ ‘Детска Радост’ – Гевгелија, одземени со решение ИП1 16-559/3 од 01.11.2022 година“, наведено е во реакцијата.
