Колумбиската пејачка Шакира оваа година се соочува со низа проблеми. По раскинувањето на врската со фудбалерот Жерар Пике, која траеше 12 години, таткото на Шакира заврши во болница, што е особено болно за неа.
– Деталите за здравјето на татко ми се приватни. Во име на семејството би ги замолила медиумите да го почекаат нашето соопштение пред да објават информации за болеста на татко ми – изјави Шакира.
Таткото на пејачката беше хоспитализиран во средината на летото поради пад кој му се одрази на моториката, пишува „Хола!“.
Откако беше пуштен од болница, тој беше повторно примен во средината на октомври. Шакира во неколку наврати објавуваше видеа и фотографии на кои повторно вежба читање со нејзиниот татко.
„Од тебе научивме да стануваме по секој пад. Знаеме дека повторно ќе станеш. Те сакаме“, напиша Шакира.
Музичката ѕвезда денеска објави видео од болница во Барселона каде вежба со својот татко за да му ги подигне нозете. Пресреќна што без нејзина помош успеал да ги спушти и да ги крене нагоре, таа неколкупати му ги бакнала стапалата.
ФОТО: Инстаграм
