Двете легенди на акционите филмови, Арнолд Шварценегер и Силвестер Сталоне, ги воодушевија обожавателите со фотографија на која позираат заедно.
Сталоне и Шварценегер на своите профили на Инстаграм објавија фотографија на која резбаат тикви за „Ноќта на вештерките“.
„Јас и мојот прекрасен пријател Арнолд поминуваме време во неговата неверојатна канцеларија резбајќи тикви за „Ноќта на вештерките“ со ножеви за преживување! Тоа е она што го прават вистинските акциони момци во слободното време”, напиша Сталоне во описот на фотографијата која ги воодушеви обожавателите.
„Две легенди во една фотографија“, „Командо против Рамбо – филмот што никогаш не се случил, но обожавателите сè уште чекаат“, „Изгледате апсолутно неверојатно“, „Дури и небинарен ултралевичар може да намириса мажественост на оваа фотографија“, напишале фановите во коментарите.
Славните актери заедно се појавија во филмовите „The Expendables“ и „Escape Plan“, а судејќи по фотографиите кои ги објавуваат на социјалните мрежи, се дружат и приватно надвор од холивудските филмски сетови.
