Латвискиот министер за надворешни работи Едгарс Ринкевичс објави дека балтичките земји постигнале начелен договор за забрана за влез на руски државјани во тие земји.
„Балтичките земји (Естонија, Летонија и Литванија) постигнаа договор за значително ограничување (со некои исклучоци) на граничниот премин за граѓаните на Руската Федерација кои имаат шенген визи. Конечните одлуки ќе ги донесат националните влади според нивните национални процедури и ќе стапат во сила во исто време“, напиша шефот на дипломатијата Едгарс Ринкевичс на Твитер.
Да потсетиме, голем број европски земји како Финска, балтичките земји и Чешка се за целосна забрана за влез на руски државјани во Шенген зоната. Министерството за надворешни и европски работи соопшти дека Хрватска ги почитува одредбите од Заедничката визна политика на ЕУ.
Литванија веќе престана да издава визи за Русите по почетокот на инвазијата на Украина, а истото го направија и Естонија и Летонија, додека Финска ги заострува правилата. Германија и Франција, пред состанокот на министрите за надворешни работи во Прага, рекоа дека руските туристи не треба да бидат спречени да го посетат блокот, а особено „не треба да се потценува трансформативната моќ на искуството од прва рака на живеење во демократски системи. особено за идните генерации“.
