Поранешниот вицепремиер и министер за финансии во владата на Кирил Петков, Асен Василев, ќе биде кандидат за премиер на Бугарија од Продолжуваме со промената, партијата која го има мандатот.
Оваа информација за „24 часа“ ја потврдиле извори од партијата на Петков која има најмногу пратеници во Собранието.
Името на новиот кандидат за премиер треба да го соопшти премиерот во оставка Кирил Петков преку видео порака.
Првичната верзија вклучуваше целосна реконструкција. Василев доаѓа на премиерското место, а Кирил Петков ќе стане вицепремиер и министер за финансии.
Сепак, ПП продолжува да тврди дека освен со досегашните партнери од БСП и ДБ, за поддршка ќе преговараат само со независни пратеници.
