Германците Франческо Фридрих и Торстен Маргис ја одбранија титулата олимписки прваци во боб двосед, а германската репрезентација постигна историски успех, откако за прв пат во историјата на ова натпреварување се случи освојувачите на сите три медали да дојдат од иста држава.
Среброто го освоија Јоханес Лохнер и Флоријан Бауер, кои заостанаа 49 стотинки зад олимписките шампиони.
Германската доминација во боб двосед со освоениот бронзен медал ја комплетираа Кристоф Хафер и Матиас Сомер, кои низ целта минаа со заостанување од секунда и 69 стотинки.
