Претседателката на Македонија, Гордана Сиљановска Давкова му ја честиташе победата на Доналд Трамп на американските претседателски избори.
„Срдечни честитки по повод изборот на Доналд Трамп за Претседател на Соединетите Американски Држави и многу успех во извршувањето на одговорната функција. Македонија како докажан пријател и партнер на САД ќе продолжи да ги поддржува американските и глобалните напори за мир, стабилност и безбедност, втемелени на потребата за правда, почитување на меѓународното право, на слободата и човечкото достоинство во светот. Уверена сум дека во периодот што следи нашето стратешко партнерство ќе биде унапредено и збогатено и дека САД ќе помогнат во исполнувањето на македонските стратешки цели“, објави претседателката Сиљановска Давкова на Фејсбук.
Претседателката Сиљановска Давкова му ја честиташе победата на Трамп
