Приказната за 37-годишниот Тајрек Бартон ја разбранува јавноста поради страшната трагедија која го заврши најсреќниот момент од неговиот живот.
На Тик-Ток се појави видео од свадбениот танц на Тајрек Бартон и од неговата долгогодишна партнерка Кјара Холовеј.
Двојката, која била заедно 16 години, решила да ја официјализира својата љубов на 12 октомври во Гринсборо, Јужна Каролина, објави порталот Јаху.
Она што требало да биде ден исполнет со радост завршило со трагедија која семејството и пријателите никогаш нема да ја заборават.
Истата вечер, нешто пред 21 часот, полицијата добила дојава за пукање во блискиот парк. Кога стигнале на местото на настанот, го пронашле Бартон во свечен костум, тешко ранет и облеан во крв.
Британи Бартон, неговата сестра, рекла дека Тајрек се упатил кон дома, мислејќи дека неговата сопруга веќе заминала. Кога ѝ се јавил, таа го замолила да се врати бидејќи не ѝ било јасно како одеднаш исчезнал. Додека тој се враќал кај неа, се случила несреќата.
На пат кон паркот, Бартон бил застрелан пред членовите на семејството, вклучувајќи ја ѝ неговата невеста, како и една од неговите ќерки.
Напаѓачот, кој сѐ уште не е познат, избегал од местото на настанот.
Семејството Бартон, кое сега минува низ незамисливи болки, се надева на правда и на одговор на прашањето зошто нивниот сакан Тајрек бил жртва на ова злосторство.
Мајката на Бартон, Керолин, со солзи барала правда за неговата смрт и не сакала смртта на нејзиниот син да остане нерешена.
– Барам правда за мојот син. Не го заслужи тоа што му се случи – рекла таа со скршен глас.
Љубовна приказна меѓу двајца луѓе е претворена во вистински хорор филм.
