Tоварен брод долг 182 метри кој плови под знамето на Малта крена паника на северот од Европа. Европските пристаништа со месеци се плашеа дека се работи за „пловечка мегабомба“ врзана со Русија, како што бродот го нарече еден дипломат. „Руби“, сопственот на малтешката компанија „Руби Ентерпрајз“ носи 20 илјади тони амониум нитрат, а исплива од руското пристаниште Кандалакша.
Но, не е само смртоносниот товар од „Руби“ што ги натера пристанишните власти двапати да размислат и да го подигнат нивото на претпазливост на највисоко ниво. Многу помал товар од истата компонента на ѓубриво го уништи пристаништето Бејрут во 2020 година, пишува „Њујорк Тајмс“.
– Кога работиме со Русија или со други меѓународни актери кои се непријателски расположени, секогаш ја имаме на ум оваа можност – рече литванскиот министер за надворешни работи Габриелиус Ландсбергис откако владата објави дека на бродот нема да му биде дозволено да плови.
Патувањето на бродот „Руби“ беше осудено на неуспех од самиот почеток. Откако го напушти руското пристаниште Кандалакша во август набрзо се насука и овие оштетувања го спречија да го продолжи патувањето до дестинациите пристаништа во Африка, пишува „Њујорк Тајмс“.
Потоа го продолжил патувањето и се закотвил во норвешкото пристаниште Тромсо. Тамошните поморски власти изјавија за Би-Би-Си дека бродот бил прегледан од тим експерти за да се осигура дека ги исполнува безбедносните и еколошките стандарди.
Групата открила оштетување на трупот, пропелерот и кормилото. Како мерка на претпазливост, тие инсистирале шлеперот да го придружува бродот до крајот на неговото патување.
Бродот пловел за Клаипеда, Литванија, според компанијата за следење на бродови „MarineTraffic“. Но, и покрај тоа што се сметаше дека може да плови, на бродот му беше одбиен влез во Клајпеда. Алгис Латакас, главен извршен директор на пристаништето, изјави за Би-Би-Си дека одлуката е донесена „поради товарот“.
Други извештаи сугерираат дека Шведска воведе слична забрана, но Шведската агенција за транспорт го негира тоа.
– Нашите власти ја следат целата работа во случај да мораме да реагираме на некој начин – изјави портпаролот за Би-Би-Си.
Во следните недели „Рубин“ патуваше на југ по норвешкиот брег и низ Северното Море. Бродот наводно имал ограничено маневрирање.
Додека менаџерите на компанијата „Руби Ентерпрајз“ се обидуваа да ја убедат јавноста дека бродот не е закана, Руби со напуктнат труп и оштетен пропелер пловеше по брегот на југоисточна Англија.
Се закотви на 25 септември во Кент, во близина на портата Довер, едно од најпрометните водни патишта во светот.
Агенцијата за поморска и крајбрежна стража (MCA) соопшти дека бродот е „безбедно закотвен надвор од територијалните води на Велика Британија и чека соодветни услови за полнење гориво на море пред да продолжи низ Ла Манш“.
Експертите велат дека самата поправка на бродот може да предизвика пожар доколку вклучува заварување. Исто така, екологистите се загрижени дека ако амониум нитратот истече ќе предизвика еколошка катастрофа.
