Нов документарец на HBO тврди дека изумителот на биткоинот е канадски програмер по име Питер Тод.
Документарецот со наслов „Money Electric: The Bitcoin Mystery“, кој беше премиерно прикажан на HBO, го именува Тод како креатор на биткоин, познат како Сатоши Накамото.
Крипто заедницата долго го чекаше откривањето на вистинскиот идентитет на Накамото, но името на Тод не беше меѓу најспоменуваните. Повеќе внимание беше насочено кон други познати личности, како што се програмерот Лен Сасаман, ИТ научникот Ник Сабо и Адам Бек, директор на Blockstream. Монетите за крипто-меми, именувани по овие личности, забележаа големи промени во вредноста додека трговците шпекулираа за тоа кој ќе го именува документарецот.
Питер Тод, криптографски консултант од GitHub, беше во голема мера занемарен, но режисерот Кален Хобак го гледа како главен кандидат. Хобак укажува на објава од 2010 година на форум за биткоин, каде што изгледа дека Тод одговорил на пораката упатена до Сатши како случајно да користел погрешна сметка.
Накамото последен пат контактирал со биткоин заедницата во април 2011 година, кога изјавил дека „се посветил на други работи“, а Тод во исто време престана да објавува.
Сепак, некои веруваат дека ненадејното исчезнување на Накамото укажува на Лен Сасаман, кој почина во јули 2011 година.
Хобак, исто така, укажува на недоследности во изјавите на Тод, како што е претходната биографија во која тој тврдеше дека знае C++, јазикот што се користел за создавање на оригиналниот биткоин код, што подоцна тој го негираше. Исто така, тој тврди дека споделуваат сличности во правописот и граматиката.
Тод ги негираше обвинувањата, нарекувајќи ја теоријата „смешна“. Во интервју за The New York Times, тој категорично изјави: „Да бидам јасен, јас не сум Сатоши. Тоа е бесмислено прашање бидејќи Сатоши во секој случај би го негирал“.
Документарецот ги истражува долгогодишните шпекулации за идентитетот на Накамото, чија работа во 2008 година ја постави основата за биткоинот како децентрализиран систем за плаќање, пренесува Business Insider.
