Осмоодделенци ја турнале главата на прваче во писоар во основното училиште „Бора Станковиќ“ во Белград, според сознанијата на српскиот портал Мондо. Насилството се случило во тоалетот на училиштето во Бањица, а брзо се дознало кои ученици биле во него и учествувале во него.
– Осмоодделенците ја турнале главата на првачето во писоар, по што другите деца кои случајно се нашле таму веднаш повикале обезбедување. После тоа ја известиле наставничката, а таа ги известила родителите и директорката – изјавил за Мондо еден од родителите.
Како што дознаваме, откако било утврдено кои се учениците кои го извршиле насилството, против нив е поведена дисциплинска постапка. Според процедурата, четири недели се врши зголемен надзор, по што ќе се донесе одлука какви санкции ќе сносат сторителите.
По масакрот во училиштето „Владислав Рибникар“ се засилија превентивните мерки во Србија за случаите на врсничко насилство.
Меѓу другото, заострена е оценката за однесувањето на детето. Поведението е вклучено во општиот успех од второ одделение, воведени се дисциплински мерки, а се применува хуманитарна или општествено одговорна работа.
фото: pixabay.com
