Брод во Црвеното Море утрово беше цел на напад, наводно, извршен од јеменските бунтовници Хути.
„Два проектила го погодија бродот, а третата експлозија се случи во близина на бродот“, соопшти Британскиот воен поморски трговски оперативен центар.
Во тек е контрола на штетите. На бродот нема жртви и се движи кон пристаништето, се наведува во соопштението.
Хутите не презедоа одговорност за нападот. Меѓутоа, понекогаш им се потребни неколку часа, па дури и денови за да преземат одговорност.
Од почетокот на војната во Појасот Газа во октомври минатата година, Хутите погодија повеќе од 80 бродови главно поврзани со Израел и неговите сојузници.
