Дел од аеродромот „Орли“ во Париз вечерва е евакуиран по дојава за бомба, дознаваат локалните медиуми.
Како што информираат, терминалите 2 и 3 се евакуирани, додека полицијата добила анонимен телефонски повик во 18 часот.
– Се јави непознато лице и кажа дека во тоалетот на аеродромот е поставена бомба – изјави извор од полицијата, додавајќи дека се врши евакуација на подрачјето на аеродромот.
Во средата вечерта авионот на „Трансавија“ кој полетал од Париз и се упатил кон Монпеље, бил приземјен неколку часа по лажна тревога за бомба. Летот на крајот беше откажан.
