Фиат лансираше нов автомобил во соработка со луксузниот моден бренд Армани.
Фиат го лансираше автомобилот во соработка со луксузниот моден бренд Џорџо Армани за да го прослави својот 125-ти роденден.
Ексклузивниот Fiat 500e доаѓа во темно зелена и сива боја, а ова електрично возило го придвижува мотор од 87 kW со 118 коњски сили.
Дизајнерите од Армани и Фиат работеа „рака под рака со месеци за да ги спојат душите на двете марки во едно парче“, а резултатот е „автомобил што се носи, а не се вози“.
Електричниот мотор може да достигне до 320 km пред да треба да се наполни. Овие два италијански бренда веќе соработуваа во 2020 година.
Клиентите ќе можат да го нарачаат 500e подоцна оваа година, а првите испораки во Велика Британија се очекуваат на почетокот на 2025 година.
Автомобилот, кој е произведен во Торино, е опремен со нови функции, вклучително и сопствени тркала со логото на Армани.
Потписот на италијанскиот стилист се појавува на контролната табла, вратите и задното стакло.
