Еден ден пред нејзината смрт Шенон Доерти и официјално ја завршила битката за развод со фотографот Курт Исвариенко.
Судските документи добиени од страна на Page Six наведуваат дека актерката се откажала од правото на брачна издршка и дека побарала да се прекине секоја поддршка што Доерти му ја давала на нејзиниот поранешен сопруг. Се вели дека „двете страни склучиле договор“ и дека тоа е „неспорна“ одлука за двете страни. Актерката ги потпишала документите во петокот на 12 јули, додека Курт потпишал во саботата на 13 јули, кога Шенон почина.
Шенон Доерти и Курт Исвариенко беа во брак од 2011 година.
Кон крајот на минатата година, во премиерната епизода на нејзиниот подкаст „Let’s Be Clear“, актерката рече дека нејзиниот поранешен сопруг имал афера пред да и биде закажана операција на тумор на мозокот.
– Отидов на операција откако дознав дека мојот брак е всушност завршен, дека мојот сопруг има афера две години. Се чувствував толку продадено. На крајот на денот се почувствував неверојатно несакана од некој што го сакав со целото мое срце – откри Шенон.
Таа поднесе барање за развод во април минатата година.
– Бев збунета, на лекови поради операцијата, бидејќи не сакаа да ми отече мозокот. И искрено, сè уште е многу тешко. Да, ја донесов одлуката за развод, но имам многу спомени со таа личност – рече тогаш Шенон.
Шенон Доерти, ѕвездата на хит серијата од 90-те години Беверли Хилс 90210, почина по долга борба со ракот на дојката. Таа имаше 53 години.
