Европратеникот од социјалдемократите Андреас Шидер во интервју за весникот „Нова“ изјави дека Србија не може да очекува забрзан пат кон Европската унија по формирањето на новото свикување на Европскиот парламент, особено ако српскиот претседател Александар Вучиќ продолжи со својата досегашна политика.
„Доколку Вучиќ продолжи по својот политички пат, не ги почитува санкциите на ЕУ против Русија, како и укинувањето на владеењето на правото, наскоро нема да има напредок во влезот во ЕУ“, оцени Шидер.
На новинарско прашање за локалните избори во Србија, Шидер рече дека овој пат не бил набљудувач, но дека според неговите досегашни сознанија препораките не биле спроведени во потребната мера.
