Сопственикот на Фејсбук, Мета платформи, гради технологија за вештачка интелигенција специјално за Европа, која ќе ги одразува лингвистичките, географските и културните специфичности, соопшти компанијата во понеделникот.
Мета ќе ги обучува своите големи јазични модели користејќи содржина што луѓето во Европската унија одлучија да ја споделат јавно на нејзините платформи како Инстаграм, Фејсбук.
Компанијата користеше јавни објави на Фејсбук и Инстаграм за да обучи делови од својот нов виртуелен асистент Мета ВИ, но ги исклучи приватните објави споделени само со семејството и пријателите за да ја почитуваат приватноста на корисниците, изјави извршниот директор на Мета за Ројтерс во септември.
Компанијата минатиот месец соопшти дека ќе започне да ги известува корисниците на Фејсбук и Инстаграм во европскиот регион и Обединетото Кралство за тоа како ги користи јавните информации споделени на услугите Мета за развој и подобрување на вештачката интелигенција.
