Жител на Удово е приведен откако предизвикал пожар пред вратата од домот на П.Л. во Валандовско, соопшти полицијата.
На 29.05.2024 во 11.30 часот во село Удово, Валандовско, полициски службеници од Полициската станица Валандово го лишиле од слобода К.Ш.(23) од селото Удово, поради постоење основи на сомнение за сторено кривично дело „предизвикување општа опасност“, по член 288 од Кривичниот законик.
Тој се сомничи дека околу 08.30 часот со запалива течност предизвикал пожар пред влезната врата од куќата на П.Л., а откако бил забележан од сопствениците со спреј испрскал еден од нив и го напуштил местото.
Пожарот бил изгаснат, а повредени лица нема. За настанот бил запознаен јавен обвинител од Основното јавно обвинителство Гевгелија и по негово документирање против лицето ќе биде поднесена соодветна пријава.
