Илон Маск, инвеститорот и основачот на Тесла и Спејс Икс пред неколку дена за неверојатни 41 милијарда евра го купи Твитер, па фудбалските експерти му пресметаа дека за тие пари можел да си направи сопствена фудбалска Суперлига, зашто ќе ги купел 15-те најбогати клубови според моменталната пазарна вредност.
„Форбс“ пресметал дека Маск за да ги купи 15-те највредни клубови од Манчестер јунајтед кој вреди 4,5 милијарди евра до Евертон со вредност од 620 милиони ќе потрошел и помалку од тоа што иноваторот го дал за социјалната мрежа Твитер. Севкупно за 15-те највредни клубови ќе потрошел 40,6 милијарди евра, односно ќе му останел кусур од 40-на милиони.
Ова е списокот на гиганти што Маск можел за парите со кој стана газда на Твитер да ги купи според актуелната пазарна цена, во ек кога три од гигантите Реал Мадрид, Барселона и Јувентус форсираат приватно натпреварување наречено Суперлига.
