Власта на СДС И ДУИ на заминување прави масовна пљачка на ЕЛЕМ И РЕК Битола. Целта е да се искраде што сѐ може на заминување. Tендери се штанцаат на дневна основа, нормално за омилената фирма на белорускиот конзул!, пишува на социјалната мрежа на Фејсбук потпретседателот на ВМРО-ДПМНЕ Александар Николоски.
Николовски информира и дека во сообраќајна несреќа при судир на еден од камионите кој превезуваат јаглен со трактор, еден човек го загуби животот.
Затоа жителите на Новаци организираат протести за крај на криминалот во ЕЛЕМ и РЕК Битола!, вели Николоски.
Како што додава денеска од 10 часот ќе се случи уште еден таков протест.
„Жителите на Новаци ја имаат мојата поддршка! А, за криминалот во ЕЛЕМ и РЕК Битола веднаш по формирањето на Владата предводена од ВМРО-ДПМНЕ ќе започнат соодветни постапки за расчистување!Криминалците ќе одговараат!“, пишува Николоски.
