Ракот е смртоносна болест која се јавува кога абнормалните клетки растат и се делат неконтролирано, а потоа може да се прошири на околните ткива и органи. Постојат повеќе од 200 видови на рак, па затоа е невозможно да се свесни за сите можни симптоми.
Според докторот Амир Кан, предупредувачки знак за рак и акумулација на течност во белите дробови може да бидат ноктите кои не се мазни или конзистентни по боја.
„Синдромот на жолт нокт значи состојба кога ноктите пожолтуваат, стануваат погусти и бавно растат. Тоа може да биде знак за рак, течност на белите дробови, бронхитис и ревматоиден артритис“, објасни тој на Инстаграм.
„Луѓето со синдром на жолти нокти имаат жолти, закривени нокти кои може да се згуснат или да паднат“, велат од Клиниката во Кливленд.
Синдромот на жолти нокти може да биде придружен со респираторни симптоми, како што е хронична кашлица, како и отечени потколеници или глуждови. Експертите не се сигурни што точно ја предизвикува оваа состојба, но ја поврзуваат со слаба циркулација, проблеми со лимфната дренажа или таложење на течност околу белите дробови.
Клиниката во Кливленд објаснува дека синдромот на жолт нокт е почест кај луѓето постари од 50 години и ретко се јавува кај децата. Покрај ракот, состојбите поврзани со овој синдром вклучуваат автоимуни болести, болести на тироидната жлезда, ревматоиден артритис, габични инфекции, пушење или користење обоени лакови за нокти.
