Сопругата на принцот Хари Меган Маркл лансира нов бренд под името„American Riviera Orchard“.
Првиот производ направен под овој бренд е свеж мармалад кој веќе го добија најдобрите пријатели на војвотката.
Модната дизајнерка Трејси Робинс, сопруга на Брајан Робинс, претседател и извршен директор на Paramount Pictures и Nickelodeon, објави фотографија на Инстаграм со корпа полна со лимони и тегла со џем и се заблагодари на нејзината пријателка Меган што и испратила подарок.
„Ти благодарам за вкусната корпа. Апсолутно го сакам овој џем и не сум сигурна дека ќе го споделам со некого. Ти благодарам М”, напишала Трејси.
Судејќи според бројките на теглата, направени се само 50 тегли.
Во март, Меган навести дека ќе лансира нов бренд кога креираше страница на Инстаграм посветена на проектот.
-Таа работи на тоа повеќе од една година и се работи за сите работи што и се драги на срцето – сите работи за кои е многу страсна – изјави извор за Page Six.
И додека некои ја поддржуваат војвотката од Сасекс и ја сметаат за добра претприемничка, други велат дека не можат да веруваат на што таа паднала.
„Ако дојде до тоа и тој мора да го направи тоа, тогаш тие навистина немаат пари“, коментираат тие.
