Директорката на црногорската Агенција за спречување на корупцијата (АСК), Јелена Перовиќ, утрово е уапсена во акција на Специјалното полициско одделение (СЈО), потврдија за порталот РТЦГ од повеќе извори. Службеници на СЈО утрово ја блокираа зградата на АСК каде што вршат претрес.
Буџетската инспекција изврши увид во Агенцијата како дел од годишниот план, а наодите беа објавени на 22 март. Министерството за финансии потоа наодите од увидот ги испрати до Специјалното државно обвинителство кое врз основа на приложената документација формираше кривично дело.
Тогаш инспекцијата предупреди дека Перовиќ сама си пишувала прекувремена работа и варијабили во текот на 2023 година, за што добила речиси 13.500 евра, што, според Буџетската инспекција, е спротивно на Законот за плати на вработените во јавниот сектор.
Според првите сознанија, директорката на Агенцијата лани одработила дури 310 часа прекувремена работа, за што потпишала сума од 5.212,10 евра, а лани дежурала и на празници – 22 и 23 мај и 13 и 14 јули за што си исплатила дневница во износ од 536,78 евра.
Таа наплатила дополнителни над 8.700 евра за работа во Работната група за утврдување на список на јавни функционери.
Според податоците од извештајот од инспекцискиот надзор, Перовиќ исплатил најмалку 10.000 евра повеќе на сметката на членовите на поранешниот Совет за периодот од јануари до јуни минатата година во однос на пропишаното со закон.
Агенцијата потоа, по обелоденувањето на наодите, ги обвини инспекторите дека ги надминуваат своите надлежности, а медиумите дека работат против јавниот интерес.
фото: МИА
