Франција ќе ја зголеми безбедноста околу еврејските училишта и синагоги, делумно како одговор на актуелната криза меѓу Израел и Иран, изјави министерот за внатрешни работи Жералд Дарманин на социјалната мрежа Х.
„Како што се приближува Пасха и имајќи ја предвид актуелната меѓународна ситуација, им кажав на локалните власти значително да ја зголемат безбедноста на местата што ги посетуваат нашите еврејски сонародници, особено во однос на синагогите и еврејските училишта“ – изјави францускиот министер.
Францускиот претседател Емануел Макрон, пак, посочи дека мора да се избегне ескалација на конфликтот на Блискиот Исток.
– Франција ќе направи се што може за да се избегне понатамошна ескалација на конфликтот меѓу Израел и Иран на Блискиот Исток. Сите сме загрижени поради можната ескалациј – рече Макрон.
