На пејачот Дино Мерлин наводно му се слошило и завршил во болница. На пејачот му се слошило во четвртокот околу 21:00 часот, а брза помош дошла во неговата продавница „Магаза“ лоцирана во Башчаршија, јавува 24сата.
Како што неофицијално дознава 24сата, Дино Мерлин е надвор од животна опасност. Со него била и ќерката Наида, која нормално му е лична асистентка и која синоќа го придружувала до Брзата помош.
Дино Мерлин во декември одржа четири концерти во Арена Загреб. Се уште постои голем интерес за настапите на овој музичар низ регионот и Мерлин ужива голема популарност. Во еден период од неговиот живот, сепак, сè не му одело и тој се соочил со депресија, а за тоа проговорил во едно интервју и го споделил своето искуство.
„Во еден период од мојот живот бев тешко болен. Имав тешка депресија. Не би го посакал тоа на никого. Тоа се манифестираше на тој начин што бев бескорисен – рекол Дино Мерлин“, пренесува Блиц, додавајќи дека тогаш поради болеста размислувал да се откаже од музиката.
„Апсолутно ништо не ме интересираше, животот и смртта ми беа исти. Јас едноставно бев само растение. Тоа беше периодот кога сакав да ја напуштам музиката и тогаш ми паднаа на памет секакви работи, но по некое чудо се извлеков – изјави музичарот кој по тој тежок период се врати на музиката и го сними албумот „Средин“ во 2000 година. на кој е многу горд.
