Околу 23 лица се уапсени по наредба на Европското јавно обвинителство (ЕППО) во Италија, Австрија, Романија и Словачка под сомнение дека измамиле 600 милиони евра од Европскиот фонд за закрепнување и отпорност (RRF), дознава ЕППО.
Акцијата ја водела канцеларијата на европското обвинителство во Италија, која во соработка со финансиската полиција замрзнала средства во вредност од над 600 милиони евра, точно онолку колку што се сомничи дека се незаконски повлечени од РРФ. Запленети се и величествени вили и апартмани, значителни количини криптовалути, врвни Rolex часовници, накит (Cartier), злато и луксузни автомобили, меѓу кои Lamborghini Urus, Porsche Panamera и Audi Q8.
Притвор за осомничени
Осуммина осомничени завршија во истражен затвор, а на 14 им е одреден домашен притвор. Меѓу осомничените е сметководител кому му е изречена забрана за вршење дејност.
Досега официјално е потврдено дека судските наредби биле користени за претрес на домовите и деловните простории на осомничените кои, тврди ЕЈПО, развиле синџир на измами за да добијат средства од италијанскиот Национален план за закрепнување и отпорност (NRRP), дел од RRF, кој е главниот столб на закрепнувањето на планот NextGenerationEU.
Како се вадеа европските пари?
Се сомнева дека парите се извлекувани преку проекти чие финансирање барале фирми кои постоеле само на хартија. Тие служеа само за креирање на потребната документација, без никакви конкретни активности. Меѓу осомничените, како што се дознава, има и лица кои веќе имаат големо криминално досие.
Инаку, преку планот NextGenerationEU, главно им се нудеа средства на компаниите за финансирање на нивното закрепнување по излегувањето од пандемијата. Обезбедени се средства и за еколошки проекти, како и за дигитализација.
Во конкретниот случај се барани бонуси за фасади и средства за капитализација на компанијата. Инволвираните компании биле претежно од градежниот сектор, а за да се сокрие трагата на парите, покрај италијанските фирми во измамата учествувале и фиктивни фирми од Австрија, Словачка и Романија.
