Лидерите на водечките муслимански невладини организации во Соединетите Американски Држави (САД) го бојкотираат ифтарот што ќе го организира американскиот претседател Џо Бајден во Белата куќа.
Поради безусловната поддршка на Бајден за Израел во војната во Газа, американските муслимани ќе организираат „алтернативен ифтар за прекин на огнот во Газа“ пред Белата куќа.
Лидерите на многу муслимански организации и групи кои одбиваат да учествуваат на ифтар во Белата куќа во вторник навечер се подготвуваат да организираат алтернативен ифтар.
Во соопштението на Советот за американско-исламски односи (CAIR), спроти Белата куќа ќе се одржи алтернативен ифтар, во знак на протест поради поканата на Белата куќа за ифтар во време кога администрацијата на Бајден го поддржува Израел во војната во појасот Газа.
Во соопштението се наведува дека политиката на администрацијата на Бајден во Газа е неуспешна, а американската воена помош за Израел овозможила масакри во палестинската енклава.
ЧАИР во последните месеци најави дека нема да присуствува на поканите на Белата куќа и другите институции на администрацијата на Бајден и дека протестираат против политиката на американската администрација во Газа.
