Надзорниот одбор на Ајакс одлучи да го суспендира Алекс Крос, извршен директор и претседател на Управниот одбор поради основани сомневања дека открил информации. Одлуката на Надзорниот одбор стапува на сила веднаш, а намерата е да се прекине соработката со Крос.
Надзорниот одбор ја донесе одлуката за суспензијата откако дозна дека Крос купил повеќе од 17.000 акции на Ајакс само една недела пред да биде објавено на 2 август 2023 година дека ќе ги преземе должностите што ги извршува во клубот оттогаш.
По сознанието за ова, Надзорниот одбор побара правен совет, што упатува на сомнежи во откривањето на информациите. Оддавањето деловна тајна е кривично дело.
Претседателот на Надзорниот одбор, Михаел ван Праг, го објави овој случај преку официјалната веб-страница на Ајакс:
„Длабоко сме вознемирени од фактот што ова се случи во Ајакс, сето тоа е многу штетно за клубот и сите оние кои го сакаат овој клуб. Потезите на Алекс Крос не се во согласност со она за што ние како клуб се залагаме. Моментот во кој тој извршил купување на акции укажува на инсајдерски обелоденување на информации. Ваквото прекршување на законот не смее да се толерира особено кога е вклучен и извршниот директор. „По внимателно разгледување на ситуацијата, Надзорниот одбор одлучи дека Алекс не може да остане на позицијата директор на Ајакс“, рече тој.
Должностите што ги имаше Крос ќе ги преземат другите членови на Одборот, а самиот Михаел ван Праг ќе се приклучи на Одборот како делегиран асистент.
Во своето соопштение Ајакс најави и дека вонреден состанок на сопствениците ќе се одржи во најбрз можен рок и дека тема ќе биде отказот на Алекс Крос. По таа седница, Надзорниот одбор ќе одлучува за разрешувањето.
