Претседателката на Молдавија Маја Санду за денеска свика седница на Врховниот совет за безбедност на земјата поради инцидентите во самопрогласениот регион Придњестровје, соопшти нејзиниот кабинет. Според тамошното МВР, денеска имало две експлозии во селото Мајак, во источниот дел на земјата.
Експлозиите ги онеспособиле двете најсилни антени на радиоцентарот кој емитува руска радио програма, пренесува РИА Новости. Во експлозиите нема повредени.
Врховниот совет за безбедност ќе заседава во Претседателството од 13 часот. По состанокот, во 15 часот, Санду ќе одржи прес-конференција, се вели во соопштението.
