Русија подготвува голема мобилизација, соопшти естонскиот министер за надворешни работи Маргус Сакнау во интервју за сервисот „Гласот на Америка“ на грузиски јазик.
Сакнау истакна дека сега во Русија го смениле и речникот и дека војната повеќе не ја нарекуваат „специјална воена операција“.
-Мислам дека наскоро ќе видиме целосна мобилизација, затоа што сега го сменија и вокабуларот. Оваа агресија веќе не се нарекува специјална операција, туку војна. А ако имате војна, тогаш имате и мобилизација. Зборуваме за околу 400.000 луѓе кои ќе бидат вклучени во мобилизацијата. И јас дури и не мислам дека Путин ќе ги испрати сите во Украина. Тие исто така ги користат овие луѓе за обнова на капацитетите од другата страна на нашите граници – рече естонскиот министер за надворешни работи.
