Главниот инспектор на косовската централна трудова инспекција Хекуран Никчи го напушти Балканскиот конгрес за безбедност и здравје при работа што се одржа во понеделникот во Солун, поради објавување на неговото име како претставник на Србија, соопшти Косовскиот трудов инспекторат. .
По прифаќањето на поканата и потврдата на Никчи за учество на споменатиот конгрес, косовскиот инспектор во недела на 3 март попладне допатува во Солун за да учествува на споменатиот конгрес што се одржа во понеделникот, објави порталот КоССев.
Но, организаторот на конгресот, како што соопштија од Инспекторатот, најавил косовски инспектор како претставник од Србија. Никчи, велат, потоа го напуштил овој собир.
Во мејлот испратен до организаторот на конгресот, Таргуцидис, Никчи истакна дека е навреден од овој чин.
„Поради моето појавување на официјалната веб-страница на вашиот конгрес под државата Србија, навреден сум да ве известам дека морам да го напуштам вашиот конгрес“, изјави тој.
