ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази, обидувајќи се да го дискредитира претседателот Стево Пендаровски и неговиот кредибилитет, реагираат од неговиот Кабинет откако ВМРО-ДПМНЕ рекоа дека „некој насила го тера пак да се кандидира затоа што во СДСМ никој не се нафаќа да ги изгуби изборите“.
„Со ваквата политичка комуникација ВМРО-ДПМНЕ нема да постигне ништо. Граѓаните добро знаат кој е претседателот Пендаровски, кој е постојано транспарентен, отворен и меѓу граѓаните. Доколу се сериозна политичка опција која има понуда за граѓаните, им препорачуваме да се фокусираат на тоа, отколку на малограѓанско политиканство“, се додава во реакцијата од Кабинетот на претседателот Пендаровски.
