Апсолутно е неприфатливо појавувањето на американскиот претседател Џо Бајден пред новинарите со вратоврска во боја на украинското знаме, напиша на социјалната мрежа Х американскиот политичар Вивек Рамасвами.
Еден ден претходно, говорејќи во Белата куќа, Бајден се појави пред новинарите во својата „украинска вратоврска“ и со „украинска значка“ во знак на поддршка за Киев, кој, според него, е „во очајна ситуација“ поради недостаток на финансиска помош.
– Бајден носи знаме на друга земја чии сметки ги плаќаме, но никогаш не сме виделе Зеленски да го носи знамето на земјата што му плаќа. Ова кажува многу за болната психологија на оваа врска – изјави Рамасвами.
– Ја носам мојата украинска вратоврска и мојата значка затоа што тие моментално се во тешка состојба. Часовникот отчукува – рече Бајден.
Во понеделникот, американскиот Сенат поднесе Предлог-закон кој ќе комбинира издвојување на средства за безбедност на границите и помош за Украина и Израел. Севкупно се предлага да се издвојат 118,28 милијарди долари, од кои 60 милијарди долари се за поддршка на Киев. Во исто време се планира да се потрошат три пати помалку за безбедноста на границите – 20,2 милијарди долари. Бајден изрази поддршка за Предлог-законот и го повика Конгресот да го усвои што е можно поскоро.
Според претседателот на Претставничкиот дом на САД, Мајк Џонсон, предложениот закон, кој ја комбинира помошта за Киев, Израел и заштитата на сопствените граници на САД, е „полош од очекуваното“, а иницијативата е осудена на неуспех.
